Sýrland Hafnarfirði

Sýrland Hafnarfirði - Hljóðriti er eitt elsta og virtasta hljóðver landsins.  Upprunalega var það stofnað árið 1975 og var til langs tíma helsta hljóðver landsins og þótti á sínum tíma jafnast á við það besta sem gerðist erlendis.  Hljóðriti hætti starfsemi um tíma en var opnað að nýju árið 2004 undir merkjum Sýrlands og hefur síðan vaxið ásmegin undir dyggri leiðsögn Kidda í Hjálmum.  Þegar Hljóðriti var opnaður aftur var þess gætt að gamlar innréttingar og skreytingar fengju að halda sér svo að andi liðinna tíma fengi að svífa yfir vötnunum.  Þjóðsagan segir að í hraunskreytingum veggja Hljóðrita megi ennþá finna ýmis andans efni frá liðnum tímum.