Hljóðupptökunámskeið

Hvað?


Gott námskeið fyrir þá sem hafa áhuga á að taka upp tónlist á tölvunni heima fyrir og geta skilað af sér tónlist á hlustunarhæfu formi.

Fyrir hvern?

Þetta námskeið er fyrir þá sem hafa litla eða enga reynslu af upptökum en vilja koma sér af stað.
Inngangskröfur eru í raun engar en tónlistarkunnátta/áhugi og nokkuð haldbær tölvukunnátta eru stór kostur.

Hvernig fer þetta fram?

Kennt verður sex laugardaga, 6 tíma í senn. Farið er ítarlega í Pro tools upptökukerfið þannig að nemendur hafi góð tök á því.

Farið verður ítarlega í grunnhugtök og vinnubrögð við upptökur og klippingu efnis, vinnslu og frágang.
Efnið verður skoðað frá tæknilegum og fræðilegum hliðum.

Svo verður farið í einfaldar upptökur með hljóðfæraleikurum og þær unnar frá grunni til geisladisks.

Eftir námskeiðið?

Eiga nemendur að geta tekið upp, klippt og hljóðblandað efni sitt á viðunandi hátt.
Hljóðvinnsla spannar breitt svið og því er mjög gott að taka svona námskeið til þess að koma sér af stað og forðast gildrurnar sem mest.

Lýsing

Kennarar verða;

Páll S. Guðmundsson en hann hefur unnið hjá Ríkissjónvarpinu til fjölda ára og stýrt upptökum á ýmsum tónlistar viðburðum bæði beint sem og fyrir safn RÚV.

Kristinn S. Sturluson en hann hefur unnið hjá Sýrlandi til margra ára sem hljóðmaður í talsetningu sem og tónlist.

Námskeiðið skiptist í tvo hópa sem hittast á laugardögum klukkan 10 til 16 annarsvegar og 16 til 22 hinsvegar

Dagur 1 fer nánast alfarið í að kynnast Pro Tools umhverfinu og grunnhugtökum í stúdíóinu sem einfalda alla vinnu til muna.

Dagur 2 er haldið áfram í Pro Tools og þá kafað örlítið dýpra í það og hugtök áfram útskýrð á einfaldan hátt.

Dagur 3 er nýttur til að taka upp einfaldan lestur og klippa hann til. Þannig læra nemendur á öll helstu klippitólin og upptökuferlið í Pro Tools.

Dagur 4 er svo nýttur í að taka upp einfalt lag með trúbador.

Dagur 5 er nýttur til þess að klippa til, raða upp og byrja að hljóðblanda lagið sem trúbadorinn hafði tekið upp á degi 4.

Dagur 6 er svo nýttur til að klára hljóðblöndun, mastera létt og ganga frá laginu á geisladisk.

Hvað?


Gott námskeið fyrir þá sem hafa áhuga á að taka upp tónlist í professional stúdíóum, á tónleikum eða heima fyrir.

Fyrir hvern?

Þetta námskeið er fyrir þá sem hafa einhverja reynslu í upptökum hvort sem er heima fyrir eða í stúdíói.
Inngangsskilyrði eru haldbær kunnátta á upptökuforriti, góð tölvukunnátta og einhver reynsla.

Hvernig fer þetta fram?

Námskeiðið er átta vikur og alls 70 klukkutímar. Unnið verðu í Pro Tools upptökukerfinu og það skoðað ítarlega. Farið verðu í fræðileg hugtök og vinnureglur, signal flow í stórum stúdíóum, verkferli og fleira.
Þá verður ráðist í upptökur af ýmsum toga s.s. lestur, trúbador og hljómsveit.
Einnig verður farið í masteringu.
Unnið verðu í nokkrum af stúdíóum Sýrlands s.s. Vatnagörðum, Hljóðrita, Sýrlandi Skúlatúni og Írak mastering.

ATH! Ekki verður farið í neins konar kennslu varðandi tónlistarsköpun sem slíka þar sem það er efni í áralangt nám en ekki 8 vikna námskeið. Ekki verður heldur farið mikið í MIDI.

Eftir námskeiðið?

Eiga nemendur að vera fullfærir um að sjá um sig sjálfir við nokkurn veginn hvaða aðstæður sem er í upptökum. Kunna skil á helstu gerðum hljóðnema, formagnara. Skilja grunnhugtök í hljóði hvort sem unnið er stafrænt eða hliðrænt (analog eða digital). Vera færir um að taka upplýstar ákvarðanir um verkferli, notkun tækja og frágang.

Lýsing

Kennarar verða;

Páll S. Guðmundsson en hann hefur unnið hjá Ríkissjónvarpinu til fjölda ára og stýrt upptökum á ýmsum tónlistar viðburðum bæði beint sem og fyrir safn RÚV.

Kristinn S. Sturluson en hann hefur unnið hjá Sýrlandi til margra ára sem hljóðmaður í talsetningu sem og stónlist.

Sveinn Kjartansson en hann hefur unnið í fjöldamörg ár sem hljóðmaður, meðal annars hjá Þjóðleikhúsinu sem yfirmaður hljóðdeildar, sem kennari í hljóðupptökum hjá Listháskóla Íslands og hann hefur einnig unnið við gerð fjölda platna allt frá rokki yfir í klassík, og flest þar á milli.

Þá verður fjöldi gestafyrirlesara á námskeiðinu sem  deila af kunnáttu sinni á ýmsum sviðum.

Námið er 8 vikna langt og er kennt á kvöldin og eitthvað um helgar.

Námskeiðið er hópaskipt að mestu en undir lokin verða einstaklingstímar þegar kemur að hljóðblöndun.